आईपीएलमा दिल्ली क्यापिटल्सले राजस्थान रोयल्सलाई १३ रनले पराजित गर्यो

अनलाईन न्युजपाटी एजेन्सी,समाचारदाता, असोज २९ गते

यूएईमा जारी इन्डियन प्रिमियर लिग (आइपिएल) क्रिकेटअन्तर्गत बुधबार राति सम्पन्‍न खेलमा दिल्ली क्यापिटल्सले जीत हात पारेको छ । प्रतियोगितामा छैटौं जीत हात पार्ने क्रममा उसले राजस्थान रोयल्सलाई १३ रनले पराजित गर्यो ।

दिल्लीले निर्धारित २० ओभरमा राजस्थानसामु १६२ रनको लक्ष्य पेश गरेको थियो । जवाफी ब्याटिङमा राजस्थानले ८ विकेटको क्षतिमा १४७ रन मात्र बनाउन सक्यो ।

राजस्थानका बेन स्टोक्सले सर्वाधिक ४१ रन बनाए भने रोबिन उथप्पाले ३२ रन बनाए ‌। दिल्लीका एनरिच नोर्त्जे र तुषार देशपाण्डेले २-२ विकेट लिए भने कगिसो रबाडा, रविचन्द्रन आश्विन र अक्षर पटेलले १-१ विकेट लिए ।

यसअघि दुबईमा टस जितेर पहिले ब्याटिङ गरेको दिल्लीले निर्धारित २० ओभरमा ७ विकेट गुमाएर १६१ रन बनाएको थियो । ओपनर शिखर धवनले ५७ र कप्तान श्रेयस अय्यरले ५३ रको पारी खेले । राजस्थानका जोफ्रा आर्चरले ३ विकेट लिए भने जयदेव उनादकटले २ तथा कार्तिक त्यागी र श्रेयस गोपालले १-१ विकेट लिए ।

जीतसँगै दिल्लीको ८ खेलबाट १२ अंक भएको छ र शीर्षस्थानमा उक्लिएको छ भने पराजित राजस्थानको ८ खेलबाट ६ अंक छ र सातौं स्थानमा रहेको छ ।

Leave a Reply

Your email address will not be published. Required fields are marked *