अनलाईन न्युजपाटी,काठमाडौँ,समाचारदाता,असार २६ गते।
राजश्व संकलन गर्ने बैंकका शाखा तथा काउन्टरहरु शनिबार पनि खुला नै रहने भएका छन् ।
चालु आर्थिक वर्षको अन्तिम शनिबार भएका कारण बैंकहरुले राजश्व संकलनका लागि समस्या नहोस् भनेर सेवा सुचारु राख्ने भएका हुन् ।
त्रैमासको अन्तिम दिन सार्वजनिक बिदा वा २५ गते पछाडि शनिबार परे शाखा कार्यालयहरु खुला राख्न नेपाल राष्ट्र बैंकले सूचना निकालेर बैंकहरुलाई निर्देशन दिने गरेको थियो । शुक्रबार भने राष्ट बैंकले सूचना निकालेको छैन ।
चौथो त्रैमासको अन्तिम शनिबार भएका कारण बैंकले शाखा तथा काउन्टरहरु खोलेर सेवा दिन सक्ने राष्ट्र बैंकका प्रवक्ताले बताए ।
‘त्रैमासको २५ गते पछाडि शनिबार परे पनि खोल्नु भनेर हामीले स्टाण्डिङ निर्देशन दिएका छौं, यसकारण हामीले आज निर्देशन नदिए पनि आवश्यकताका आधारमा बैंकले शाखा कार्यालयहरु खुला नै राख्नेछन्,’ प्रवक्ताले भने ।
बैंकर्स संघका अध्यक्षले पनि शाखा कार्यालयहरुले चेक क्लियरेन्स समेतका केही सेवाका लागि शनिबार बैंक खुला हुने बताएका छन् ।