अनलाईन न्युजपाटी,जनकपुरधाम,समाचारदाता,फाल्गुन १७ गते।
प्रहरीले धनुषाबाट एक युवकको अचेत अवस्थामा उद्धार गरेको छ ।
लक्षमिनिया गाउँपालिका १ स्थित नालामा लडिरहेको अवस्थामा सोमबार २० वर्षीय दिपेन्द्र मण्डलको घाइते अवस्थामा प्रहरीले उद्धार गरेको हो ।
उनलाई प्रहरीले उद्धार गरी उपचारको लागि प्रादेशिक अस्पताल जनकपुरमा भर्ना गरेको हो ।
धनुषाको हंसपुर नगरपालिका ४ तिसियाहि घर भएका मण्डल हाल जनकपुरधाम उपमहानगरपालिका वडा नं. १६ कपिलेश्वर बसपार्क नजिकमा डेरा गरी बस्दै आएका छन् ।
नालामा लडेको र बोल्न समेत नसक्ने घाइते अवस्थामा देखेपछि स्थानीयले प्रहरीलाई खबर गरेका थिए ।