अनलाईन न्युजपाटी ,काठमाडौँ,समाचारदाता, वैशाख ११ गते।
तराई क्षेत्रमा आगामी चार दिनसम्म तातो हावा चल्नसक्ने मौसम पूर्वानुमान महाशाखाले बताएको छ ।
महाशाखाका अनुसार तीव्र गतिमा तापक्रम वृद्धि भइरहेको र यो क्रम वैशाख १४ गतेसम्म रहनसक्ने प्रक्षेपण गरेको हो।
केही स्थानमा अधिकतम तापक्रम ४० डिग्री सेल्सियस वा त्यसभन्दा बढी मापन भएको छ ।
आगामी चार दिनसम्म धनुषादेखि कञ्चनपुरसम्म अत्याधिक गर्मी हुने भएकाले तातो हावा तथा तातो लहरको सम्भावना रहेकाले सतर्कता अपनाउन पनि महाशाखाले अनुरोध गरेको छ ।