अनलाईन न्युजपाटी,काठमाडौँ,समाचारदाता, असोज ६ गते
मकवानपुरमा १ सय ४ केजी लागूऔषध गाँजासहित तीनजना पक्राउ परेका छन। आज बिहान अन्दाजी ४ बजेको समयमा प्रहरी चौकी सुनाचुरीबाट प्रहरी सहायक निरीक्षक हिरालाल श्रेष्ठको कमाण्ड खटिएको प्रहरी टोलीले सूचनाको आधारमा मनहरी गाउँपालिका- ६ स्थित लोथर खोलाको बगरबाट १ सय ४ केजी गाँजासहित तीनजनालाई पक्राउ गरेको हो ।
पक्राउ पर्नेमा राक्सिराङ गाउँपालिका-९का २६ वर्षीय कपिल भन्ने रूप खड्का ठकुरी, ३० वर्षीय टलक बहादुर घलान र २७ वर्षीय मदन कोइराला छन्।
उनिहरुले भारी बनाइ बोकेर लैजाँदै गरेको प्लास्टिकको बोरा चेकजाँच गर्दा उक्त परिणामको लागुऔषध गाँजा फेला परेको डिएसपीले बताएका छन्। उनिहरु माथि आवश्यक अनुसन्धान भइरहेको जनाइएको छ।