अनलाईन न्युजपाटी काठमाडौँ,समाचारदाता,पुस १६ गते।
आज पीसीआर विधिबाट गरिएको पछिल्लो परीक्षणमा थप पाँच सय ३४ जनामा कोरोना सङ्क्रमण पुष्टि भएको छ।
नेपालमा सङ्क्रमित सङ्ख्या दुई लाख ६० हजार ५९३पुगेको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमलले जानकारी दिनुभयो ।
अहिलेसम्म निको हुनेको संख्या दुईलाख ५२ हजार ३५९ जना रहेको प्रवक्ता डा. जागेश्वर गौतमले जानकारी दिएका छन्।
पछिल्लो चौबीस घण्टामा ९ जना सङ्क्रमितको मृत्युको पुष्टि भएको छ । हालसम्म नेपालमा कोरोना सङ्क्रमणबाट एक हजार ८५६ जनाको मृत्यु दर्ता गरिएको छ ।