अनलाईन न्युजपाटी प्रिन्स मिश्रा, कपिलवस्तु समाचारदाता, जेठ ३१ गते।
जिल्लाको शिवराज साझेदारी बन व्यवस्थापन समितिले यस बर्ष डेढ लाख बिरुवा वितरण गर्ने लक्ष्य राखेको छ ।
जिल्लाको ४ साझेदारी बन व्यवस्थापन समिति मध्ये शिवराज साझेदारी बन व्यवस्थापन समितिले आर्थिक बर्ष ०७७/०७८ मा लगभग एक लाख बीस हजार टिक(सागवन) र तीस हजार मसलाका बिरुवा उपभोक्तालाई उपलब्ध गराउने साझेदारीका अध्यक्ष जगदम्बा प्रसाद चौधरीले बताउनुभयो । उनले आज बन कर्मचारी र संचारकर्मीसंगको अन्तर्क्रियामा भारतीय सिमासंग सटेको यो साझेदारीमार्फत बन पैदावार पढाउने र जंगलको दायरा फराकिलो बनाइ उपभोक्ताको बनमा पहुंच गर्ने मेरो लक्ष्य रहेको बताउनुभयो ।
शिवराज साझेदारी बन व्यवस्थापन समिति जिल्लाकै नया समिति भएतापनि बन क्षेत्रफल बढाउन र निजि बन व्यवस्थापनमा हामी सफल भएको सहायक वनअधिकृत प्रेमशंकर गुप्ताले जानकारी दिनुभयो। थोरै समयमा करिब १२ हजार क्विब फिट काठ संकलन गरेका छौ, काठ बिक्रीवितरण खुला गरिएको समाचार आएको छ तर अधिकारिक जानकारी नआएकाले काठ वितरण गर्न नसकेको अधिकृत गुप्ताले बताउनुभयो ।
शिवराज साझेदारीले नर्सरी व्याड बनाई प्रत्येक बर्ष निशुल्क बिरुवा उपलब्ध गराउदै आएको छ भने यसबर्ष पनि असार ७ गतेदेखि वितरण गरिने जनाएको छ ।