अनलाईन न्युजपाटी,जनकपुरधाम,समाचारदाता,असोज १ गते।
धनुषामा मोटरसाइकल दुर्घटना हुँदा एक जनाको मृत्यु भएको छ। अन्य एक जना घाइते भएका छन् ।
मृत्यु हुनेमम स. ४ प. ७९२६ नम्बरको मोटरसाइकल चालक सिरहाको विष्णुपुर गाउँपालिका नरहाका ३० वर्षीय रुपेश यादव रहेका छन् ।
उनको घटनास्थलमै मृत्यु भएको इलाका प्रहरी कार्यालय ढल्केवरका प्रहरी निरीक्षकले जानकारी दिए ।
यस्तै लु. ७२ प. ४७९२ नम्बरको मोटरसाइकल चालक धनुषाको गणेशमान चारनाथ नगरपालिका–६ बस्ने ४६ वर्षिय मोहम्मद हासिम दुर्घटनामा परि घाइते भएका छन् ।
उनको स्थानीयस्तरमै उपचार भइरहेको इलाका प्रहरी कार्यालय ढल्केबरले जनाएको छ । मृतकको शव पोस्टमार्टमका लागि जनकपुरस्थित प्रादेशिक अस्पताल पठाइएको र घटना विषयमा थप अनुसन्धान भईरहेको धनुषा प्रहरीले जनाएको छ ।