अनलाईन न्युजपाटी,काठमाडौँ,समाचारदाता,जेठ २७ गते।
अवैध रूपमा लुकाएर राखिएको पेस्तोलसहित लागूऔषध कारोवारीलाई प्रहरीले पक्राउ गरेको छ ।
पक्राउ पर्नेमा मोरङ सुनवर्षी नगरपालिका – ८ का ६० वर्षिय अब्बास मियाँ, सुन्दरहरैचा नगरपालिका ९ का चेवन कुमार धमला र सोही स्थानका बिशाल भन्ने खेम भट्टराई प्रहरीले लागूऔषध सहित पक्राउ गरेको मोरङ प्रहरीका प्रवक्ता डिएसपीले जानकारी दिए ।
पूर्व–पश्चिम लोकमार्गअन्तर्गत बेलबारी नगरपालिका–१० भाउन्ने नजिक बिहीबार बिहान दुर्घटनामा परेको मोटरसाइकलमा लागूऔषध भेटिएपछि प्रहरीले तीनजनालाई पक्राउ गरेको हो ।
प्रहरीका अनुसार धमला र भट्टराई सवार मोटरसाइकल दुर्घटनामा परेको थियो । उनीहरु सवार प्रदेश १–०२–०४१ प ८८८७ नम्बरको मोटरसाइकल पूर्व–पश्चिम लोकमार्गअन्तर्गत बेलबारी नगरपालिका–१० भाउन्ने नजिकै तीनजनालाई ठक्कर दिएको थियो ।
मोटरसाइकलमा सवार धमला र भट्टराईले बोकेको झोला खानतलासी गर्दा लागूऔषध भेटिएको थियो । जिल्ला प्रहरी कार्यालय मोरङका प्रमुख एसपीका अनुसार झोलाबाट लागूऔषध ८९२ थान नाइट्राभेट ट्याब्लेट र लगभग १४ ग्राम चरेस जस्तो देखिने वस्तु भेटिएको थियो ।
प्रहरीको अनुसार मियाँले धमला र भट्टराईलाई लागूऔषध बिक्री गरेका थिए ।
पक्राउ परेका तीन जनलाई इप्रका बेलबारीबाट थप अनुसन्धान भइरहेको डिएसपीले जानकारी दिए ।