अनलाईन न्युजपाटी,काठमाडौँ,समाचारदाता,साउन २७ गते।
नेपाल रेल्वे कम्पनी लिमिटेडका महाप्रबन्धक गुरूप्रसाद भट्टराईले पदबाट राजीनामा दिएका छन्।
भट्टराईले बुधबार महाप्रबन्धक पदबाट राजीनामा दिएका हुन् । भट्टराई १३ महिनाअघि केपी शर्मा ओली नेतृत्वको सरकारका पालामा नियुक्त भएका थिए ।
पदीय जिम्मेवारीभन्दा बाहिरका असान्दर्भिक विषय जोडेर नागरिकको मौलिक हक, वाक स्वतन्त्रता कुन्ठित गर्ने ढंगले सरकारमा सामेल गठबन्धनभित्रका राजनीतिक दल र गुट विशेषका नेताहरूको आदेश तथा निर्देशनमा आफूलाई सफाइ पेस गर्न पत्र पठाइएकाले राजीनामा दिएको उनले बताए ।
शेरबहादुर देउवा नेतृत्वको सरकारले भट्टराईलाई १९ साउनमा स्पष्टीकरण सोधेको थियो ।