प्रदेश- १ को प्रदेशसभा बैठक आज बस्ने

अनलाईन न्युजपाटी बिराटनगर,समाचारदाता,फागुन ९ गते।

प्रदेश- १ को प्रदेशसभा बैठक आज बस्ने भएको छ । तर मुख्यमन्त्रीमाथि अविश्वास प्रस्ताव लाग्ने डरले सरकार पक्षका सांसदले नै बैठक अवरोध गर्ने भएका छन् ।

प्रदेश १ को हिउँदे अधिवेशनको तेस्रो बैठक आजका लागि आह्वान गरिएको छ । तर बैठकमा नेकपाको प्रचण्ड नेपाल समूहले मुख्यमन्त्री शेरधन राईविरुद्ध अविश्वासको प्रस्ताव टेबुल गर्ने तयारी रहेको र त्यसलाइ छल्न सत्तारुढ नेकपा ओली समूहले बैठक अवरुद्ध गर्ने तयारी गरेको बुझिउको छ ।

सत्तारुढ नेकपा ओली समूहले नै अवरोध गरेकाले बैठक स्थगति भएको थियो । प्रदेश सरकारविरुद्धको अविश्वास प्रस्तावलाई प्रक्रियामा लैजानुभन्दा सत्ता पक्षका सांसदले बैठक नै गरेर अल्झाइराख्ने रणनीति लिएका छन् । यसले गर्दा आजको बैठक पनि स्थगित हुने वा तनावपूर्ण हुन सक्ने देखिएको छ ।

Leave a Reply

Your email address will not be published. Required fields are marked *