अनलाईन न्युजपाटी ,काठमाडौँ,समाचारदाता,माघ १५ गते।
धनकुटा महोत्सवमा प्रमोद खरेलको प्रस्तुति हुनैलाग्दा भीडमा परी कम्तीमा २० जना घाइते भएका छन् । शनिबार साँझ महोत्सवमा प्रमोद खरेलको प्रस्तुति हुनैलाग्दा भागदौड मच्चिएको हो।
करिब ३ हजार क्षमता रहेको धनकुटा बजारको टुँडिखेलमा दोब्बर दर्शकको भिड रहेको थियो । महोत्सवमा प्रमोद खरेलको प्रस्तुति हुने क्रममा ठेलमठेल भएको र घाइते हुनेहरूमा केही बालबालबालिका पनि रहेको स्थानीयले बताए । घाइतेहरूलाई धनकुटा अस्पताल र धरानस्थित वीपी कोइराला स्वास्थ्य बिज्ञान प्रतिस्ठानमा उपचारका लागि पठाइएको छ ।
घटनापछि तत्काल महोत्सव सञ्चालनमा रोक लगाइएको निमित्त प्रमुख जिल्ला अधिकारी ममता अधिकारीले बताइन् ।