अनलाईन न्युजपाटी,उर्मिला यादव यात्री नवलपरासी,समाचारदाता,जेठ १९ गते।
सामाजिक क्षेत्रमा क्रियाशील संस्था मर्चवार सामुदायिक बिकास केन्द्र रुपन्देहीले १५ घर परिवारलाई राहत बितरण गरेको छ ।
कोरोना भाइरस रोकथाम तथा नियन्त्रणका लागि जिल्ला प्रशासन कार्यालय रुपन्देहीले निषेधाज्ञा जारी गरेपछि साझ बिहान छाक टार्ने समस्यामा रहेका गरिब, मजदुर तथा अति बिपन्न घर परिवारलाई संस्थाले अभियान नै संचालन गरी राहत बितरण गरेको हो । मर्चवार सामुदायिक बिकास केन्द्रका अध्यक्ष ज्ञानेश्वर उपाध्यायको अध्यक्षतामा आज ओमसतिया गाउपालिका वडा नम्बर ५ भित्र रहेका अति बिपन्न १५ घर परिवारलाई पाच किलो चामल , एक पोका नुन, एक पोका सोयाबिन , आलू ,प्याज लगायत खाद्यन्न सामग्री बितरण गरिएको खाद्यान्न सहयोग अभियानका अभियानकर्मी हीना तिवारीले जानकारी दिनुभयो ।
मर्चवार सामुदायिक बिकास केन्द्रको समुहले लकडाउनको यो विषम परिस्थितिमा कोही पनि भोकै बस्न नपरोस भन्ने उदेश्यका साथ बिगत १ हप्ता देखि नै खाद्यान्न सहयोग अभियान सुरु गरेर खाद्यन्न बितरण गर्दै आएको छ ।
खाद्यन्न बितरण अभियानमा विभिन्न क्षेत्रबाट प्राप्त भएका सहयोगबाट नै राहत बितरण गरिएको हो । अब रुपन्देहीको सिद्धार्थनगर नगरपालिका र मर्चवार क्षेत्रमा पनि राहत बितरण गर्ने लक्ष्य रहेको संस्थाका अध्यक्ष उपाध्यायले जानकारी दिनु भएको छ । खाद्यन्न बितरण कार्यक्रममा कार्यक्रमका अभियानकर्मी बिनय यादव , बालमुकुन्द हरिजन लगायत स्थानीय समाजसेवीहरुको पनि सहभागिता रहेको थियो।