अनलाईन न्युजपाटी महेश सिंह ,सिरहा समाचारदाता,कार्तिक २१ गते।
नेपाल परिवार दलका केन्द्रिय अध्यक्ष तथा पूर्व मन्त्रि एकनाथ ढकाल भारत प्रस्थान गर्नु भएको छ। इंडियन फाउंडेशनको निमन्त्रणामा कार्तिक २१-२३ सम्म बिहारको नालन्दा विश्वबिद्धालयमा आयोजित बिशेष सभामा ढकालले सम्बोधन गर्नुहुनेछ ।
सम्मेलनमा कोभिड-१९ पश्चातको विश्व व्यबस्थाको बारेमा भारत र विश्वका प्रशिद्ध व्यक्तित्वहरुले सम्बोधन गर्नु हुनेछ भने भारतका महामहिम उपराष्ट्रपति श्री एम.वेंकैया नायडुले उद्घाटन गर्नु हुनेछ।
बिहारका राज्यपाल फागु चौहान र मुख्यमन्त्री नितिश कुमारले पनि उद्घाटन सत्रमा सम्बोधन गर्नु हुनेछ। पूर्व मन्त्रि ढकालको भ्रमण दलमा परिवार दलका प्रबक्ता सन्तोष पौडेल र दक्षिण एशिया मामिलाका संयोजक कृष्ण अधिकारी लगायतका ब्यक्तीहरुको उपस्थिति रहने भएको छ।