अनलाईन न्युजपाटी काठमाडौँ,समाचारदाता, भदौ १४ गते
पछिल्लो भारी वर्षाका कारण त्रिशूली नदीमा जलसतह खतराको तहभन्दा ३ मिटर बढेको छ ।
रसुवाको भोटेकोशी क्षेत्रबाट आएको बाढीका कारण त्रिशुली नदीमा जलसतह बढेको हो । साथै गण्डकी प्रदेशका विभिन्न जलाधार क्षेत्रमा भारी वर्षा मापन भएको नारायणी नदी र यसका सहायक नदीमा जलसतह बढ्ने भएकोले तटीय क्षेत्रमा सतर्कता अपनाउन महाशाखाले भनेको छ ।
यस्तै, सुनकोशी नदी खुर्कोट सिन्धुली जलमापनन केन्द्रमा पनि जलसतहले सतर्कता तह पार गरेको महाशाखाले जनाएको छ । यहाँ पनि नदी तटीय क्षेत्रका बासिन्दाहरु सतर्क रहन अनुरोध गरिएको छ ।