अनलाईन न्युजपाटी,राजविराज,समाचारदाता, पौष १६ गते।
राजविराज बजार क्षेत्रमा दुई दिनदेखि फोहोर उठन नसकेकोले बजार फोहर तथा दुर्घन्धित भएको भन्दै मंगलबार यूवाहरुले सोही फोहर उठाएर राजविराज नगरपालिकाको मूल गेटमा थुपारेका छन् ।
आक्रोशित विभिन्न संघ संस्था अवद्घ युवा तथा स्थानियले मंगलबार नगरपालिका कार्यालयको मुल गेटमै विरोध रुवरुप फोहोर थुपारेका हुन् । ग्रिन नेपाल, सप्तरी युथ, सेफ चाईल्ड नामक संस्था र स्थानिय बासीन्दाको अगुवाईमा बजार क्षेत्रमा रहेका फोहोर ठेलामा राखेर नगरपालिकाको मुल गेटमै थुपारेर नाराबाजी समेत गरे ।
ग्रिन नेपालका अध्यक्ष खेलानन्द दासले बजार क्षेत्रमा रहेका फोहोरले नगर दुर्गन्धित र आवत जावतमा समेत समस्या भएको तथा नगरपालिकाले फोहोर मैला व्यवस्थापन गर्न चासो नदेखाएकोले बाध्य भई नगरको फोहोर नगरपालिकामै थन्काउनु परेको बताए ।
जिल्लामा भ्रमण वर्ष २०२० को तयारी तिब्र बनाई रहँदा नगरपालिकाले भने सरसफाईमा ध्यान नदिएकाले सांकेतिक विरोध स्वरुप केही फोहोर राखिएको र अव पनि नगरपालिकाले सरसफाईमा ध्यान नदिए सो कार्य अझ तिब्र बनाउने उनले चेतावनी दिए ।
नगरपालिका कार्यालयको मुल गेटमै थुपारिएको फोहोर भने प्रदर्शनकारी युवाहरु फर्किएपछि नगरपालिकाका सरसफाई कर्मीले हटाएका थिए । नगर प्रमुख शम्भु प्रसाद यादवले केही सरसफाईकर्मी बिदामा बस्दा समस्या भएको र बुधबारदेखि नै सरसफाई कार्यलाई निरन्तरता दिने जानकारी दिए ।