अनलाईन न्युजपाटी,धनगढी,समाचारदाता असोज २४ गते।
अमर प्रहरीको सम्झनामा सुदूर पश्चिम प्रहरी कार्यालय धनगढीमा ६४ औं प्रहरी दिवस कार्यक्रम धनगढीमा शुरु भएको छ ।प्रहरी दिवसको अवसरमा आयोजित कार्यक्रममा अमर प्रहरी स्मारकमा मुख्यमन्त्री त्रिलोचन भट्टले माल्यार्पण गरे । कार्यक्रममा सुदूर पश्चिम प्रदेश सरकारका आन्तरिक मामिला तथा कानुन मन्त्री प्रकाश शाह, कैलालीका प्रमुख जिल्ला अधिकारी यज्ञराज बोहरा, सुदूरपश्चिम प्रदेश प्रहरी कार्यालयका प्रमुख प्रहरी नायव महानिरिक्षक तारणी लम्साल,अमर प्रहरी परिवार र बिभिन्न पेशागत संघसंगठनका प्रतिनिधिको सहभागिता रहेको छ । कार्यक्रममा अमर प्रहरीको योगदानको स्मरण गर्नुका साथै अमर प्रहरीका परिवार, उत्कृष्ट प्रहरीलाई सम्मान प्रदान गर्ने कार्यक्रम रहेको छ ।