नारायणगढ–मुग्लिन सडक खण्डमा दुईवटा ट्रक ठोक्किँदा एक जनाको मृत्यु

अनलाईन न्युजपाटी,काठमाडौँ,समाचारदाता, भदौ २९ गते

दुईवटा ट्रक नारायणगढ–मुग्लिन सडक खण्डमा एकापसमा ठोक्किँदा घाइते भएका ट्रक चालकको मृत्यु भएको छ।

चितवनको इच्छाकामना गाउँपालिका–५ स्थित खहरेपुल नजिकै काठमाडौंबाट नारायणगढतर्फ आउँदै गरेको ना ६ ख २४२३ नम्बरको ट्रक र विपरीत दिशातर्फ गइरहेको ना ४ ख ८०११ नम्बरको ट्रक आपसमा ठक्कर खाँदा दुवै ट्रकका चालक र ट्रकमा सवार ४ जना घाइते भएका थिए।

भरतपुरस्थित पुरानो मेडिकल कलेजमा उपचारका क्रममा उनको मृत्यु भएको हो। अर्को ट्रकका चालक र ट्रकमा सवार चार जनाको सोही मेडिकल कलेजमा उपचार भइरहेको कार्यालयका प्रवक्ता सूर्यबहादुर थापाले जानकारी दिए । उनीहरुको अवस्था सामान्य रहेको छ ।

Leave a Reply

Your email address will not be published. Required fields are marked *