अनलाईन न्युजपाटी कैलाली,समाचारदाता,पुस २७ गते।
कैलालीको कैलारी गाउँपालिकाले माघीको अवसरमा तीन दिन बिदा दिने निर्णय गरेको छ।
गाउँपालिकाको हिउँदे अधिवेशनले माघी पर्व मनाउनका लागि पुस २९, माघ १ र २ गते बिदा दिने निर्णय गरेको गाउँपालिकाकी उपाध्यक्ष लक्ष्मी सत्गौवाले जानकारी दिइन् । थारु समुदायमा माघी पर्वलाई उल्लासका साथ मनाउने गरिन्छ ।
गाउँपालिकामा थारु बाहुल्यता रहेकाले तीन दिन बिदा दिने निर्णय गरेको गाउँपालिका प्रवक्ता तथा वडा नम्बर ७ का अध्यक्षले जानकारी दिए।