अनलाईन न्युजपाटी,काठमाडौँ,समाचारदाता,कार्तिक ३० गते।
चालक अनुमति पत्रको अनलाइन आवेदन सेवाग्राहीले कार्यालयका समयमा भर्न नपाउने भएका छन्।
प्रणालीमा चाप बढी भएकाले तत्कालका लागि बिहान १० देखि अपराह्न ५ बजेसम्मका लागि सेवा चालु नगरिएको यातायात व्यवस्था विभागले जनाएको छ।
देशभरका यातायात व्यवस्था कार्यालयहरूले यही प्रणालीबाट काम गर्ने र सेवाग्राहीले फारम भर्दा दोहोरो लोड भएको विभागका प्रवक्ता डा. लोकनाथ भुषालले बताए।
उनका अनुसार अहिले प्राविधिकले लोड ब्यालेन्सका लागि काम गरिरहेका छन्। उनले भने, ‘यो साता सेवाग्राहीले बिहान र साँझ मात्रै फारम भर्न पाउनुहुन्छ।’