अनलाईन न्युजपाटी,रौतहट,समाचारदाता, पुस २६ गते।
रौतहटबाट स्रोत नखुलेको साढे १४ लाख रुपैयाँसहित एकजना भारतीय नागरिकलाई सशस्त्र प्रहरीले पक्राउ गरेको छ।
पक्राउ पर्नेमा भारतको बिहार राज्यस्थित पूर्वी चम्पारण तिलहरा ७ बस्ने ३९ वर्षीय संजयकुमार जयसवाल छन्।
बी.आर ०५ ए.जी.८०५६ नम्बरको अपाचे मोटरसाइकलमा भारतबाट नेपाल आईरहेका बेला सशस्त्र प्रहरीले उनलाई पक्राउ गरेको हो ।
जाँच गर्ने क्रममा मोटरसाइकलको सिटमुनि लुकाइ ल्याउँदै गरेको १४ लाख ५० हजार स्रोत नखुलेको नेपाली रुपैयाँ बरामद भएको उनले बताए।
पक्राउ परेका जयसवालमाथि थप अनुसन्धान भइरहेको सशस्त्र प्रहरीले जनाएको छ।