त्रिभुवन विश्वविद्यालयको पनि वार्षिक तथा सेमेस्टर प्रणालीका सबै परीक्षा स्थगित

अनलाईन न्युजपाटी,काठमाडौँ,समाचारदाता, माघ ६ गते।  

त्रिभुवन विश्वविद्यालयले कोरोना सङ्क्रमणको बढ्दो जोखिमको कारण वार्षिक तथा सेमेस्टर प्रणालीका सबै परीक्षा स्थगित गरेको छ ।

आज बसेको परीक्षा नियन्त्रण कार्यालयको बैठकले यही माघ ९ गतेदेखि परीक्षाहरु स्थगित गर्ने निर्णय गरेको हो ।

शुक्रबार र शनिबार (भोलि र पर्सि) हुने प्रवेश परीक्षा भने यथावत रहने छ । परीक्षा नियन्त्रक पुष्पराज जोशीले भने, ‘भोलि र पर्सिको इन्ट्रान्स परीक्षा हुन्छ । त्यसपछिका परीक्षा अर्को सूचना जारी नभएसम्म स्थगित गर्ने निर्णय गरेका छौं ।’

त्यस्तै त्रिविले ३ वर्षे एलएलबीको तेस्रो वर्षको माघ १० गतेदेखि र १३ गतेदेखि पहिलो वर्षको परीक्षा लिने तयारी गरेको थियो ।

Leave a Reply

Your email address will not be published. Required fields are marked *