त्रिभुवन विश्वविद्यालयले स्थगित गरेको परीक्षा आगामी फागुनमा हुने

अनलाईन न्युजपाटी,काठमाडौँ,समाचारदाता, माघ १७ गते।

कोरोना महामारीका कारण रोकिएको त्रिभुवन विश्वविद्यालयका परीक्षा आगामी फागुनमा हुने भएको छ।

आज बसेको त्रिभुवन विश्वविद्यालयका पदाधिकारीको बैठकले यस्तो निर्णय गरेको हो ।

नेपालमा कोरोनाको नयाँ भेरियन्ट ‘ओमिक्रोन’ फैलिएसँगै त्रिविले ९ माघदेखि परीक्षा स्थगित गर्ने निर्णय गरेको थियो । केही दिनयता कोभिड संक्रमण घट्दो क्रममा रहेकाले स्थगित परीक्षाबारे निर्णय गर्न आज त्रिवि पदाधिकारीको बैठक बसेको हो ।

‘स्थगित गरिएका लिन बाँकी रहेका सम्पूर्ण परीक्षाहरू फागुन महिनामा सञ्चालन गरेर सक्ने गरी तालिका सार्वजनिक गर्छौं,’ त्रिविका परीक्षा नियन्त्रक पुष्पराज जोशीले भने ।

Leave a Reply

Your email address will not be published. Required fields are marked *