प्रतिबन्धित वस्तु आयात खुलाउने सरकारको निर्णय

अनलाईन न्युजपाटी ,काठमाडौँ,समाचारदाता,मंसिर २० गते।

प्रतिबन्धित वस्तु आयात खुलाउने सरकारले निर्णय गरेको छ।

मंगलबार बसेको मन्त्रिपरिषद् बैठकले ४ प्रकारका विलासी वस्तु आयातमा कायम प्रतिबन्ध २९ मंसिर पछि नलम्ब्याउन उद्योग, वाणिज्य तथा आपूर्ति मन्त्रालयलाई सैद्धान्तिक सहमति दिने निर्णय गरेको एक मन्त्रीले जानकारी दिए ।

आयात प्रतिबन्ध हटाउन यसअघि नेपाल राष्ट्र बैंक र अर्थ मन्त्रालयले उद्योग, वाणिज्य तथा आपूर्ति मन्त्रालयलाई सुझाव दिएको थियो । केही दिनअघि मन्त्रालयले आयात प्रतिबन्ध हटाउने प्रस्ताव मन्त्रिपरिषद्‍मा पेश गरेको थियो ।

सरकारको ढुकुटीमा विदेशी विनिमय सञ्चिति कम हुँदै गएपछि वाणिज्य मन्त्रालयले गत १३ वैशाखदेखि १० प्रकारका विलासी वस्तुमा आयात प्रतिबन्ध घोषणा गरेको थियो ।

सरकारको निर्णयपछि अब  पुस १  देखि यी वस्तुहरु आयात गर्न पाइने छ ।

Leave a Reply

Your email address will not be published. Required fields are marked *