हिमानी ट्रष्ट मार्फत धनुषामा खाद्यान्न सामग्री वितरण

अनलाईन न्युजपाटी,जनकपुरधाम,समाचारदाता,पुस २४ गते।

पूर्व युवराज्ञी हिमानी शाहद्धारा संचालित सेवामुलक संस्था हिमानी ट्रष्ट मार्फत धनुषाको क्षिरेश्वरनाथ नगरपालिका मुशहरी टोलमा विपन्न परिवारबाट ३० जना बाल-बालिकाहरुलाई खाद्यान्न सामग्री वितरण गरिएको छ ।

हिमानी कोष धनुषाका अध्यक्ष जीतेन्द्र कुमार शाहको अध्यक्षतामा उपाध्यक्ष किशा गिरि र कोष स्वंयसेवकहरुको उपस्थितिमा विपन्न परिवारबाट ३० जना बाल-बालिकाहरुलाई छनोट गरी हिमानी ट्रष्ट मार्फत  आज पौष्टिक आहार लिटो वितरण गरिएको हो ।

देशभर हिमानी ट्रष्टले राहत लगायतको सेवामुलक कार्य संचालनमा गर्दै आइरहेको छ । सोही सेवामुलक कार्य अन्तरगत हिमानी कोषको सहयोगमा धनुषाको विपन्न परिवारलाई पौष्टिक आहार लिटो वितरण गरिएको हो ।

Leave a Reply

Your email address will not be published. Required fields are marked *