एमसीसीको विषयमा छलफल गर्न सत्ता गठबन्धनको बैठक आज बस्दै

अनलाईन न्युजपाटी,काठमाडौँ,समाचारदाता,फाल्गुन ५ गते। 

अमेरिकी सहायता एमसीसीबारे छलफल गर्न सत्ता गठबन्धनको बैठक आज बस्दै छ ।

आज दिउँसो ३ बजेका लागि बोलाइएको बैठकमा एमसीसी संसदमा प्रस्तुत गर्ने या नगर्ने, पक्षमा उभिने या विपक्षमा भन्ने विषयमा गठबन्धनका आबद्ध दलहरुबीच छलफल हुनेछ ।

बुधबारकै संसद बैठकमा एमसीसी पेश गर्ने सरकारको तयारी थियो । तर दलहरुबीच सहमति कायम हुन नसकेको भन्दै त्यसलाई स्थगित गरिएको थियो ।

प्रधानमन्त्री शेरबहादुर देउवा र माओवादी केन्द्रका अध्यक्ष प्रचण्डबीच भएको भेटवार्तामा एमसीसी संसदमा पेश गर्नुभन्दा अघि गठबन्धनको बैठक बोलाउने सहमति भएको थियो । त्यसैले आजको गठबन्धनको बैठक एमसीसीको सम्बन्धमा निर्णायक हुन सक्ने अनुमान छ ।

Leave a Reply

Your email address will not be published. Required fields are marked *