अनलाईन न्युजपाटी , जनकपुर , समाचारदाता, भदौ ९ गते ।
जनकपुरमा निर्माणाधीन घरको छतबाट खसेर एक मजदुरको ज्यान गएको छ । अन्य एक मजदुर घाइते भएका छन् । ज्यान जानेमा सप्तरीको सम्भुनाथ नगरपालिका ६ बगरहटबाट ४० वर्षीय नन्दु मण्डल रहेको प्रहरीले जनाएको छ ।उनको टाउको , छाती र खुट्टामा गम्भीर चोट लागेको कारण घटनास्थलमै ज्यान गएको हो । घाइते ३० वर्षका हरिकातन्त मण्डल छन् । उनी मृतककै छिमेक हुन् । उनको उपचार जनकपुर अञ्चल अस्पतालमा भइरहेको छ ।जनकपुरधाम उपमहानगरपालिका १३ पीडारीका रामसोगारथ साहको निर्माणाधिन घरको छतमा काम गरि रहेको बेला सोमबार बिहान दुवैजना लडेको प्रहरीले जनाएको छ ।