अनलाईन न्युजपाटी,रुकुम ,समाचारदाता असोज १५ गते।
रुकुम पश्चिममा करिब पाँच किलो अफिमसहित एक जना पक्राउ परेका छन्। पक्राउ पर्नेमा सानीभेरी गाउँपालिका–५ गोलचौरका ३२ वर्षीय रन्जित खत्री रहेका छन्। भाग्न खोजेपछि उनलाई पक्राउ गर्न प्रहरीले एक राउण्ड हवाई फायर समेत गर्नुपरेको प्रहरीले बताएको छ। बाँफीकोट गाउँपालिकाको मग्मा, नदुवा लगायत विभिन्न वडामा अवैध लागूऔषध ओसारपसार तथा बिक्री भइरहेको सूचनाको आधारमा प्रहरीले गर्दा खत्री नदुवाबाट पक्राउ परेका हुन्। उनको साथबाट प्रहरीले चार किलो ९०० ग्राम अफिम र तराजुलगायतका सामाग्रीहरु पनि बरामत गरेको जिल्ला प्रहरी कार्यालय रुकुम पश्चिमका प्रमुख सुमित खड्काले अनलाईन न्युजपाटीलाई जानकारी दिए। खत्रीलाई प्रहरी हिरासत कक्षमा राखी थप अनुसन्धान गरिरहेको प्रहरीले बताएको छ।