अनलाईन न्युजपाटी,कैलाली ,समाचारदाता,असोज २० गते ।
डडेल्धुरामा दुई किलो ७ सय ग्राम अवैध लागूऔषध चरेससहित दुई जना पक्राउ परेका छन् ।पक्राउ पर्नेमा अमरगढी नगरपालिका–७ भाटगाउँका शेरबहादुर भण्डारी र अमरगढी –६ भालुमारेका वीरबहादुर बोहरा छन् । लागूऔषध नियन्त्रण अभियान र दशैं तिहार सुरक्षा योजना अनुरुप परिचालित प्रहरीद्वारा सुराकीका आधारमा प्रहरीले उनीहरुलाई पक्राउ गरेको हो ।दशरथचन्द्र राजमार्गस्थित अमरगढी–७ खोस्रेखानमा सवारीसाधन चेकजाँच गर्ने क्रममा भण्डारीले चलाइराखेको गरेका से ३ प ४५३१ नम्बरको मोटरसाइकलमा भण्डारीको झोलाबाट ७ सय ग्राम चरेस फेला परेको डडेल्धुराका प्रहरी नायब उपरीक्षक दधिराम न्यौपानेले जानकारी दिए।त्यसैगरी, अमरगढी–६ भालुमारेका वीरबहादुर बोहराको घरबाट दुई किलो चरेस फेला परेको उनले बताए । पक्राउ परेका दुवैमाथि विस्तृत अनुसन्धान भइरहेको जनाइएको छ ।