अनलाईन न्युजपाटी,सप्तरी,समाचारदाता,कार्तिक ४ गते।
प्रहरीले सप्तरीको राजविराजस्थित नेताचोकबाट बेवारिसे अवस्थामा पाँच बोरा पटाका बरामद गरेको छ ।जिल्ला प्रहरी कार्यालय सप्तरीको टोलीले विभिन्न ब्राण्डका पाँच बोरा पटाकाहरु बरामद गरेको र बरामद पटाकाको मूल्य अन्दाजी एक लाख ५० हजार रुपैयाँ बराबर रहेको प्रहरी नायब उपरीक्षक तिलक भारतीले जानकारी दिए । बेवारिसे अवस्थामा लुकाइएको पटाकाहरु विशेष सूचनाको आधारमा बरामद गरिएको र ती पटाकालाई जिल्ला प्रहरी कार्यालयमा नष्ट गरिने तयारी भइरहेको प्रहरीले जनाएको छ ।