अनलाईन न्युजपाटी जनकपुरधाम ,समाचारदाता, बैशाख ०५ गते।
आज दिउँसो दुईजना महिलाले सडकमा पैसा फ्यालेर भागेपछि स्थानीयवासी त्रसित बनेका छन् ।जनकपुरधाम उपमहानगरपालिका–४ महावीर चोकमा शुक्रबार १२:३० दिउँसो बजेतिर दुईजना महिलाले १० रुपैयाँको नोट छरेर भागेको स्थानीयवासीले बताएका छन् ।
नीलो र हरियो रङको साडी लगाएका उनीहरुले करिब १०० मिटर दूरीसम्म सडक र पसलको छेउमा रुपैयाँ फ्यालेका थिए । स्थानीयका अनुसार सडकमा पैसा किन फ्यालेको भनेर सोधेपछि दुबैजना पेठिया बजारतर्फ भागेका छन् ।
स्थानीयवासीकाअनुसार तीन-चारजना मानिसले उनीहरुले फ्यालेको रुपैयाँ सडकबाट उठाएका छन् । त्रसित बनाएका स्थानीयहरुले तत्काल प्रहरीलाई खबर गरेका थिए ।सडकमा रुपैयाँ फ्याल्ने महिलाको खोजी भइरहेको जिल्ला प्रहरी कार्यालय धनुषाले जनाएको छ । साथै स्थानीयवासीले दिएको सूचनाका आधारमा प्रहरीले रुपैयाँ टिप्ने व्यक्तिहरुको समेत खोजी गरिरहेको छ ।
सीसीटीभी फुटेज नियन्त्रणमा लिएर अनुसन्धान थालेको जिल्ला प्रहरी कार्यालय धनुषाले जनाएको छ । ति महिलाहरु कहि कतै फेला परेमा नजिकको प्रहरी कार्यालय तथा जिल्ला प्रहरी कार्यालय धनुषा समेतमा जानकारी गराउन हुन समेत अनुरोध गरिएको छ।