विराटनगरबाट २३ लाख ७१ हजार मूल्य बराबरको अवैध सुनसहित एक जना पक्राउ

अनलाईन न्युजपाटी बिराटनगर, समाचारदाता, साउन २५ गते

विराटनगर –१६ दरैया बस्तीबाट सशस्त्र प्रहरीले भारत लैजान खोजिएको २३ लाख ७१ हजार मूल्य बराबरको अवैध सुनसहित एक जनालाई पक्राउ गरेको छ ।

पक्राउ पर्नेमा विराटनगर महानगरपालिका–१७ का ५६ वर्षीय श्यामलसेन गुप्ता रहेका छन् । सशस्त्र प्रहरी बलको बिओपी बखरीको टोलीले दुई सय ६७ ग्राम सुनको चक्कीसहित गुप्तालाई पक्राउ गरेको हो । सशस्त्र प्रहरी मोरङका प्रमुख एसपी तीर्थ पौडेलले लकडाउनको समयमा भारततर्फ जान लागेको पाइएपछि शंका लागेर चेकजाँच गर्दा अवैध सुन बरामद भएको बताए ।

पक्राउ परेका गुप्तालाई आवश्यक कारबाहीका लागि सशस्त्रले विराटनगर भन्सार कार्यालयमा बुझाउने तयारी गरेको छ । प्रहरीले उनको साथबाट नेपाली रुपैयाँ ५ हजार, साइकल र मोबाइल बरामद गरेको छ ।

Leave a Reply

Your email address will not be published. Required fields are marked *