फागुन १ गतेबाट देशैभरी दादुरा–रुबेला विरुद्धको खोप अभियान शुरु

अनलाईन न्युजपाटी,काठमाडौँ,समाचारदादाता,माघ २८ गते।

आगामी फागुन १ गतेबाट देशैभरी दादुरा–रुबेला विरुद्धको खोप अभियान शुरु गरिँदैछ । यसै क्रममा रुकुमपूर्वमा चार हजार ५७९ बालबालिकालाई दादुरा रुबेलाको खोप लगाइने भएको छ ।तीन मात्र स्थानीय तह रहेको जिल्लाको सिस्ने गाउँपालिकामा एक हजार ४२०, भूमे गाउँपालिकामा एक हजार ५९७ र पुथा उत्तरगङ्गा गाउँपालिकामा एक हजार ५६२ पाँच वर्ष मुनिका बालबालिका छन् । सो अभियानका लागि जिल्लामा १६ खोप कार्यकर्ता र २८८ स्वयंसेवक खटाइने बताइएको छ । खोप अभियान पहिलो चरणमा भुमेमा फागुन १ देखि ९ गतेसम्म सञ्चालन गरिने भएको छ ।त्यसैगरी दोस्रो चरणमा फागुन १० गतेबाट १८ गतेसम्म पुथा उत्तरगङ्गा र तेस्रो चरणमा फागुन २० देखि २८ गतेसम्म सिस्नेमा सञ्चालन गरिने स्वास्थ्य कार्यालय रुकुमकोटले जनाएको छ । फागुन १ गतेबाट शुरु हुन गइरहेको खोप अभियानको सम्पूर्ण तयारी सकिएको स्वास्थ्य कार्यालयका कार्यालय प्रमुख शिव शार्कीले बताउनुभयो ।

Leave a Reply

Your email address will not be published. Required fields are marked *