सुनको भाउ ११ सय रुपैयाँले घट्यो

अनलाईन न्युजपाटी काठमाडौँ,समाचारदाता,फागुन ५ गते।

सुनको भाउ नेपाली बजारमा आज घटेको छ ।

एकैदिन तोलामा एक हजार एक सय रुपैयाँले भाउ घटेपछि सुनको भाउले ९० हजारभन्दा तल्लो अंक छोएको नेपाल सुन चाँदी व्यवसायी महासंघले जनाएको छ ।

तोलामा ९० हजार ९ सय रुपैयाँमा कारोबार भएको सुन आज ८९ हजार ८ सय रुपैयाँमा कारोबार भइरहेको महासंघले जनाएको छ ।

यसअघि सुनको भाउ हालसम्मकै उच्च प्रतितोलामा १ लाख ३ हजार ५ सयसम्म पुगेको थियो ।

त्यस्तै आज तेजाबी सुन प्रतितोला ८९ हजार ३ सय ५० रुपैयाँमा कारोबार भइरहेको महासंघले जनाएको छ ।

चाँदीको भाउ पनि प्रतितोला २० रुपैयाँले घटेको छ । मंगलबार प्रतितोला १ हजार ३ सय ६० रुपैयाँ कायम भएको चाँदीको भाउ आज १ हजार ३ सय ४० रुपैयाँमा झरेको छ ।

Leave a Reply

Your email address will not be published. Required fields are marked *