अनलाईन न्युजपाटी,बिराटनगर,समाचारदाता,असोज १२ गते।
भारतबाट भन्सार छली नेपाल भित्र्याइएको १६० बोरा चिनी जिल्ला प्रहरी कार्यालय सुनसरीले बरामद गरेको छ ।
विशेष सूचनाको आधारमा जिल्ला प्रहरी कार्यालय सुनसरीको टोलीले कोसी गाउँपालिका– १ लौकही बजारको भित्री सडकखण्डमा को. १ ख ५२१५ नम्बरको मिनी ट्रकबाट भन्सार छली गरेर ल्याएको एक सय ६० बोरा चिनी पक्राउ गरेको हो ।
पक्राउ गरेको ५० केजी बोराका सबै चिनी ट्रक र चालक सिन्धुली कमलामाई नगरपालिका– ४ बस्ने ४८ वर्षीय विरोध लामिछानेसहित सोमबार कोसी ब्यारेजस्थित सेतुबन्ध भन्सार कार्यालयमा बुझाएको सुनसरी प्रहरीले जनाएको छ ।