अनलाईन न्युजपाटी,काठमाडौँ,समाचारदाता,असोज ३० गते।
दशैँ टीकाको दोस्रो दिन आज पनि मान्यजनबाट दशैँको टीका तथा जमरा लगाएर आशीर्वाद लिने क्रम जारी छ ।
दशैँको टीका र जमरा चार–पाँच दिनसम्मै लगाउने गरिन्छ । मूल दिन अर्थात विजया दशमीको दिनमा टीका लगाउन छुटेकाहरूले आज आफन्तजनसँग भेटघाट गर्दै टीका थापेर आर्शीवाद लिने गर्छन् । यसपालि कोरोना भाइरसको जोखिम पनि कायमै रहेकाले विगतका वर्षहरुको जस्तो चहलपहल खासै छैन । तर पनि अघिल्लो सालभन्दा धुमधामले नै दशैँ मनाइरहेका छन् ।
दशैँको मूल दिनमा भेट्न नभ्याएकाहरु आजदेखि आफन्तसँग टीका थाप्न जाने गर्छन् । दशैँको अर्को पाटो भनेको लामो समयपछिको आफन्तजन, नातागोता भेट हुने, सद्भाव साट्ने पनि हो । यसैको निरन्तरतास्वरुप दशैँ टीक अझै केही दिनसम्म जारी रहन्छ ।