नेपालले ओमानलाई ७ विकेटले पराजित गर्यो

अनलाईन न्युजपाटी,काठमाडौँ,समाचारदाता,असोज ३ गते।

आईसीसी क्रिकेट विश्वकप लिग २ अन्तर्गत त्रिकोणात्मक शृंखलामा नेपालले ओमानलाई ७ विकेटले हराएको छ ।

घरेलु टोलीलाई १२१ रनमा समेटेको नेपालले कप्तान ज्ञानेन्द्र मल्लको अर्धशतकको मद्दतमा मात्र १८.२ ओभरमा तीन विकेट गुमाएर लक्ष्य भेट्टायो ।

नेपालबाट ओपनर आसिफ शेखले ४० र कप्तान ज्ञानेन्द्र मल्लले अविजित ५२ रन बनाए । त्यसअघि अर्का ओपनर कुशल भुर्तेल ६ रनमै समेटिएका थिए । रोहित पौडेल ६ रनमै समेटिएको खेलमा शरद् भेस्वाकरले अविजित १ रन बटुले ।

त्यसअघि बलिङमा नेपाल निकै घातक देखिएको थियो । नेपालबाट करण केसी र सन्दीप लामिछानेले ४–४ विकेट लिए । जसकारण, ३७ ओभर १ बलमै ओमान १ सय २१ रनमा अलआउट भयो । ओमानबाट कप्तान जिसान मक्सदले ४१ रन बनाएपनि अन्य ब्याट्सम्यानले राम्रो खेल्न सकेनन् ।

शृंखलामा अन्तर्गत यसअघि पहिलो खेलमा नेपाल ओमानसँग ५ विकेटले पराजित भएको थियो । त्यस्तै, अमेरिकासँग खेलेका दुई खेलमध्ये एउटामा ५ विकेटले विजयी भयो । अर्को, खेलमा ६ विकेटले पराजित भयो । 

Leave a Reply

Your email address will not be published. Required fields are marked *