अनलाईन न्युजपाटी,काठमाडौँ,समाचारदाता, पुस ९ गते।
यु-१९ एकदिवसीय एसिया कपमा नेपाल आज बंगलादेशविरूद्ध खेल्दैछ।
खेल बिहान ११:१५ बजेदेखि शारजाहको मैदानमा सुरू हुनेछ।
एसिया कपको पछिल्लो पाँच खेलमा नेपालले टेष्ट राष्ट्र बंगलादेशलाई हराउन सकेको छैन ।
नेपाल र बंगलादेशले एसिया कपमा पहिलोपटक सन् २००८ मा खेलेका थिए। सो प्रतियोगिताको पहिलो खेल वर्षाका कारण रद्द भएको थियो। दोस्रो खेलमा बंगलादेशले नेपाललाई ३ विकेटले हराएको थियो। यस्तै, सन् २०१६ मा भएको तेस्रो भिडन्तमा बंगलादेशले नेपाललाई ६ विकेटले हराएको थियो।
अघिल्लो संस्करणको फाइनलिस्ट बंगलादेशलाई हराउँदै नेपालले प्रतियोगितामा सानदार सुरूआत गर्न चाहन्छ।