अनलाईन न्युजपाटी,जनकपुरधाम,समाचारदाता,जेठ २० गते।
जरायोको सिंग सहित २ जना व्यक्ति पक्राउ परेका छन् । जिल्ला धनुषा जनकपुर उप महानगरपालिका वडा नं.२४ स्थितमा वन्यजन्तुको सिंग खरीद बिक्री हुन लागेको भनी गोप्य सुचनाको आधारमा २ जना व्यक्ति पक्राउ परेका छन् ।
जिल्ला प्रहरी कार्यालयबाट खटिएको विशेष अनुसन्धान टोली सिशपाल साहको खाली जग्गामा ज.९प.२७३ नम्बरको मोटरसाईकल रोकी २ जना व्यक्ति एक आपसमा बिक्रिका लागि कुराकानी गरिरहेको अवस्थामा पक्राउ परेका छन्।
पक्राउ परेका व्यक्तिहरुलाई खानतलास गर्दा जरायोको सिंग रातो खैरो रंगको तिन सिंगे थान १ र कालो रंगको दुई सिंगे थान १ गरी २ थान सिंग फेला परेको छ।
पक्राउ पर्नेमा जिल्ला महोत्तरी, महोत्तरी गा.पा.वडा नं.३ वस्ने रितेश कुमार पाण्डे र अर्को जिल्ला धनुषा जनकपुर उप-महानगरपालिका वडा नं.२४ बस्ने सोनु कुमार पाण्डे र उक्त घटनामा प्रयोग भएको ज.९प.२७३ नम्बरको मोटरसाईकल सहित नियन्त्रणमा लिई आवश्यक कारवाहीको लागि डिभिजन वन कार्यालय जनकपुरधाम धनुषामा पठाईएको छ।