अनलाईन न्युजपाटी ,जनकपुरधाम,समाचारदाता,कार्तिक १२ गते।
आफ्नै साथीको हत्या गरी फरार रहेका २ जना व्यक्तिहरूलाई धनुषा प्रहरीले पक्राउ गरेको छ ।
जनकपुरको धान खेतमा मृत भेटिएका युवकको कार्तिक १० गते इस्कन मन्दिर नजिक धान खेतमा शव भेटिएको थियो ।
धनुषाको जनकपुरधाम उपमहानगरपालिका २४ सोनापाड बस्ने फुलगेन महराका २४ वर्षीय छोरा रुपेश महराको साथीबाटै हत्या भएको खुलेको हो ।
प्रहरीले हत्या आराेपमा जनकपुरधाम-२४ काे बसहियाका पवन सहनी र मुसहरी टोलका हरिचन मण्डललाई पक्राउ गरेकाे हाे ।
जटहीमा रहेकाे नेपाल-भारत सीमा पारिबाट लागुऔषध सेवन गरी आएका तीन जनाबीच मोबाइलको विषयलाई लिएर विवाद भएपछि हरिचनले रुपेशको टाउकोमा भाटाले प्रहार गर्दा उनकाे ज्यान गएकाे प्रहरीले जनाएकाे छ ।
पक्राउ परेका दुवै जनाविरुद्ध कर्तव्य ज्यान मुद्दा लगाइ थप अनुसन्धान प्रक्रिया अगाडि बढाइएको प्रहरीले जनाएको छ ।