अनलाईन न्युजपाटी ,एजेन्सी समाचारदाता,साउन ११ गते।
खेलकुदको महाकुम्भ ओलम्पिक आजदेखि फ्रान्सको पेरिसमा सुरु हुँदै छ ।
२ सय ६ राष्ट्रका १० हजार आठ सयभन्दा बढी खेलाडीको सहभागिता रहने प्रतियोगिता अगस्त ११ सम्म चल्नेछ । यसपटक ओलम्पिकमा ३२ खेलका तीन सय २९ स्पर्धा समावेश गरिएको छ ।
खेलका लागि ३० हजार स्वयंसेवक परिचालन गरिने छ । डोपिङ टेस्टका लागि मात्र छ हजार कर्मचारी हुने छन् ।
ओलम्पिकका लागि पेरिसमा मात्र १५ खेल स्थल छन् । जहाँ ३२ मध्ये २१ खेल सञ्चालन हुने छ ।
अन्य खेल पेरिस आसपासका सहरमा हुने छ । १७ दिन चल्ने खेल मेलामा ३२९ इभेन्ट्स हुने छन् ।