अनलाईन न्युजपाटी ,काठमाडौँ,समाचारदाता, भदौ ६ गते।
साफ यू-२० च्याम्पियनसिप फुटबल अन्तर्गत आज नेपालले बंगलादेशसँग प्रतिस्पर्धा गर्दैछ ।
आज ललितपुरको सातदोबाटोस्थित एन्फा कम्प्लेक्समा दिउँसो ३ बजेदेखि खेल सुरु हुनेछ।
पहिलो खेलमा नेपालले श्रीलंकालाई १-० ले पराजित गरेको थियो । त्यसपछि अर्को खेलमा बंगलादेशले श्रीलंकालाई २-० ले हराएपछि नेपाल र बंगलादेश एक खेल अघि नै सेमिफाइनल पुगेका हुन् ।
समूह बीमा रहेको भारतसँगको सम्भावित सेमिफाइनल भेट टार्नका लागि नेपाल समूह एको विजेता बन्ने लक्ष्यमा छ ।
समूह बीमा शुक्रबार हुने भारत र माल्दिभ्सबीचको समूहको अन्तिम खेलपछि सेमिफाइनल समीकरण तय हुनेछ ।