अनलाईन न्युजपाटी काठमाडौँ,समाचारदाता, पौष १० गते
देशभर पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ। जसको प्रभावले हाल तराईका अधिकांश स्थानहरूमा कुहिरो लागेको छ ।
तराई भूभागमा हुस्सु तथा कुहिरोको प्रभावले दैनिक जनजीवन, स्वास्थ्य, सडक तथा हवाई यातायातमा प्रभाव पर्ने देखिएकोले आवश्यक सतर्कता अपनाउन महाशाखाले अनुरोध गरेको छ ।
पछिल्लो एक हप्तायता तराईका धेरै ठाउँमा हुस्सु र कुहिरोले जनजीवनक कष्टकर बन्दै आएको छ । दिउँसो अबेरसम्म घाम नलाग्दा स्थानीयबासिन्दालाई घरबाहिर निस्कन समेत समस्या छ ।