अनलाईन न्युजपाटी जनकपुरधाम,समाचारदाता,चैत १८ गते।
मंगलबार दिउँसो घाँस काट्न गएका महोत्तरीको भंगहा–८ धर्मपुरका पाँच बालिकासहित सात जना सम्पर्कविहीन बनेका छन्।
बेपत्ता हुनेहरुमा ११ वर्षीया अर्चना पासवान, १२ वर्षीया सिमा पासवान , १२ वर्षीया रञ्जना पासवान, १३ वर्षीया ज्योती पासवान, १३ वर्षीया रिया पासवान, १७ वर्षीया नगीना पासवान र २० वर्षीया अस्मिता पासवान रहेकी छन् ।
उनीहरु समूहमै घाँस काट्न घर नजिकैको चौरमा दिउँसो १ बजे न गएपनि राति ११ बजेसम्म घर फर्केका छैनन् । घर नफर्किदा चिन्तामा परिवारजनमा रुवाबासी सुरु भएको छ भने गाउँले त्रसित बनेका छन् ।
राति ११ बजेसम्म बालिकाहरुको अवस्था अज्ञात रहेको र खोजि कार्य भइरहेको घटनास्थलमा पुगेका भंगहाका मेयर संजिव साहले बताए ।
प्रहरीले खबर पाएलगत्तै खोजिकार्य गरिरहेको महोत्तरीका प्रहरी उपरीक्षक दिनेश आचार्यले बताए ।