अनलाईन न्युजपाटी,काठमाडौँ,समाचारदाता,साउन ११ गते।
आजदेखि तीनदिनसम्म देशका धेरै स्थानमा भारी वर्षाको सम्भावना रहेको छ ।
आइतबार साँझ ६ बजे विभागले जारी गरेको बुलेटिन अनुसार न्यून चापीय रेखा नेपालको तराई भू-भाग नजिक आउने सम्भावना रहेको र सो प्रणालीका कारण देशका धेरै स्थानहरुमा हल्का देखि मध्यम वर्षा हुने सम्भावना छ ।
आज (सोमबार)देखि बुधबारसम्म देशका धेरै स्थानमा मध्यमदेखि भारी वर्षाको सम्भावना रहेका जल तथा मौसम विज्ञान विभागले विशेष बुलेटिन जारी गरी जनाएको छ ।
दिउँसो: देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको छ।
सुदुर पश्चिम प्रदेशका थोरै स्थानमा भारी वर्षाको सम्भावना रहेको छ।
राती: देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको छ।
प्रदेश १ का एक वा दुई स्थानमा भारी वर्षाको सम्भावना रहेको छ।
केही ठाउँमा ठूलो पानी पर्ने भएकाले सावधानी अपनाउन महाशाखाको आग्रह छ।