अनलाईन न्युजपाटी काठमाडौँ,समाचारदाता,जेठ १३ गते।
काठमाडौं महानगरपालिकाको मेयरमा निर्वाचित बालेन साहले आज धन्यवाद सभा गर्दैछन्।
आज बिहान टुँडिखेलमा बालेनको धन्यवाद सभा हुने उनका समर्थक तथा कलाकार अर्जुन घिमिरेले जानकारी दिए। त्यसअघि बालेनका समर्थकहरू प्रदर्शनी मार्गस्थित राष्ट्रिय सभागृह क्षेत्रमा भेला हुनेछन्।
त्यसपछि र्याली निकालिनेछ। र्याली सभागृहबाट भद्रकाली, सहिद गेट, त्रिपुरेश्वर हुँदै टुँडिखेलमा पुग्नेछ। वैशाख ३० मा सम्पन्न स्थानीय तह निर्वाचनमा बालेनले स्वतन्त्र उम्मेदवारी दिएर महानगरको प्रमुख निर्वाचित भएका हुन्।