अनलाईन न्युजपाटी, जनकपुरधाम ,समाचारदाता ,असोज २ गते ।
जनकपुरमा अवैध लागुऔषधसहित एकजना पक्राउ परेका छन् । पक्राउ पर्नेमा जनकपुर उपमहानगरपालिका १३ मुजेलिया बस्ने २२ वर्षीय सन्तोष कुमार मण्डल छन् ।उनलाई अवैध लागुऔषध गाँजा करिब १० ग्राम र नियन्त्रित लागुऔषध नाइट्रोभेट ५३ ट्याब्लेटसहित बुधबार दिउँसो प्रहरीले पक्राउ गरिएको छ ।उक्त परिमाणको लागूऔषधसहित प्रहरी चौकी बलुवाबाट खटिएको प्रहरीले जनकपुर उपमहानगरपालिका ७ बलुवाबाट उनलाई फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।