अनलाईन न्युजपाटी, महोत्तरी,समाचारदाता,कार्तिक ९ गते।
२० लाख रुपैयाँसहित महोत्तरीमा दुइ जना पक्राउ परेका छन् । चेकजाँको क्रममा छुट्टाछुट्टै स्थानबाट २० लाख २० हजार नेपाली रुपैयाँसहित दुई जनालाई प्रहरीले पक्राउ गरेको महोत्तरीका प्रहरी उपरिक्षक श्यामकृष्ण अधिकारीले जानकारी दिए । उनका अनुसार शुक्रबार साँझ जलेश्वर नगरपालिका–३ को भिटठामोडस्थ्ति भारतीय सिमा नजिकबाट ५ लाख ७५ हजार भारतीय रुपैयाँसहित एक जनालाई पक्राउ गरिएको छ । पक्राउ पर्नेमा जनकपुर उपमहानगरपालिका–८ का ३२ वर्षीय विजय महासेठ रहेको उनले बताए । यस्तै मटिहानी नगरपालिका–२ मा पनि चेकजाँच गर्ने क्रममा एक जनालाई ११ लाख नेपाली रुपैयाँसहित प्रहरीले नियन्त्रणमा लिएको छ । मटिहानी नगरपालिका–६ का जीवनकुमार पूर्वेलाई खानतलासी गर्दा उक्त रकम बरामद भएको प्रहरी उपरिक्षक अधिकारीले बताए । पक्राउ परेका दुबै जनालाई आवश्यक अनुसन्धानकालागि जिल्ला प्रहरी कार्यालय महोत्तरीमा राखिएको प्रहरी उपरिक्षक अधिकारीले बताए ।