ट्याक्टरको ठक्करबाट बालिकाको मृत्यु, २३ घण्टादेखी शव घटनास्थलमै

अनलाईन न्युजपाटी,कैलाली,समाचारदाता, मंसिर १३ गते।

कैलालीको जानकी गाउँपालिका–४ मुनुवामा बिहिवार अपरान्ह ट्याक्टरको ठक्करबाट मृत्यु भएकी बालिकाको शव अहिले पनि घटनास्थलमै रहेको छ। से १ त ३९०४ नम्बरको ट्याक्टरको ठक्करले सोही ठाउँकी ११ वर्षकी समिक्षा चौधरीको बिहिवार अपरान्ह ४ बजे मृत्यु भएको थियो। उनी साईकलमा सवार थिईन्।मृतकाका आफन्तले क्षतिपूर्ती र दोषीलाई कानूनी कारवाहीको माग गर्दै प्रदर्शन थालेपछि अहिले सम्म शव घटनास्थलमै रहेको हो। जिल्ला प्रहरी कार्यालय कैलालीका अनुसार अहिले ट्याक्टरधनीसँग वार्ताको तयारी भईरहेको छ। प्रहरीले ट्याक्टर चालक नियन्त्रणमा लिएको छ। 

Leave a Reply

Your email address will not be published. Required fields are marked *