अनलाईन न्युजपाटी ,काठमाडौँ ,समाचारदाता, भदौ ५ ।
प्रहरीले करिब ५ करोड नेपाली रुपैयाँ बराबरको कोकिनसहित विदेशी नागरिकलाई पक्राउ गरेको छ । पक्राउ पर्नैमा आइभेरिकोष्टका नागरिक राहदानी नं. १८एटी९५५१४ बाहक ३५ वर्षीय मार्केल गुली छन् ।लागूऔषध नियन्त्रण ब्युरो, कोटेश्वरबाट खटिएको टोलीले विशेष सुराकीका आधारमा बुधबार दिउँसो पक्राउ गरेको प्रहरी उपरीक्षक (एसपी) कृष्ण प्रसाईंले बताए । उनका अनुसार, कतार एयरवेजको उडानबाट दोहा हुँदै काठमाडौं आएका उनको साथमा एक किलो ६ सय ग्राम लागूऔषध कोकिन बरामद भएको थियो ।‘विमानस्थलको भन्सार अगाडि फेला पारेर उनको साथमा भएको निलो रङको सुटकेश खानतलासी गर्दा फल्सबटम बनाएर लुकाइएको अवस्थामा कोकिन भेटिएको थियो’, प्रसाईंले भने ।प्रारम्भिक अनुसन्धानका क्रममा उनी अन्तर्राष्ट्रिय लागूऔषध कारोबारमा संलगन रहेको देखिएको प्रसाईंले बताए ।उनीविरुद्ध लागूऔषध मुद्दामा म्याद थप गरेर विस्तृत अनुसन्धान भइरहेको छ ।